八方早前提過，今次特首大戰好可能演變成「四個小矮人」之爭，包括曾蔭權、李永達、葉國華同詹培忠，其實無意搞體高歧視，只係見日日講埋啲沉悶嘅政治新聞，不妨亂噏一次，聊博大家一笑。
正所謂宰相肚裏能撐船，估唔到李永達都幾大量，一啲都唔介意自己短小精悍嘅身材俾人講（老鄧都係矮仔啫），噚日重主動提起「七個小矮人的故事」。
話說噚日民主黨開完會員大會，達仔見記者講述抱負，講到煲呔民望高企，達仔就話，九十年代初，共和黨前美國總統老布殊競選連任時，美國民主黨黨內初選，七位候選人因為民望低迷，被取笑係「七個小矮人」，當中正包括後來擊敗老布殊、連任兩屆總統嘅克林頓。達仔咁講，寓意當然係叫人唔好睇小佢啦。
傳真︰2623-9278
電郵︰[email protected]