八十三歲的鄧婆婆手持的示威紙牌，寫滿了日本人欠她的血債。日軍佔領香港的三年零八個月，令她痛失三位至親，「我媽媽俾日本仔打死，兩個細妹都係冇嘢食餓死。」日軍當年還強迫她一家以四元港幣換一元軍票，搶走她們近二十萬元的積蓄。「我希望日本仔唔好再搞咁多事，改咁多歷史。只要我重有一口氣，我都會企出嚟反日！」
從商的張先生昨特意帶同兩名子女參與遊行，其妻認為，現時中學的教科書只是粗略介紹中國歷史，並不足夠，「希望可以教育小朋友，國家民族好緊要，所以一定要嚟。」其念中四的兒子張肇聰今年十五歲，就讀國際學校，「我覺得唔應該改歷史書，咁樣會影響全世界，但我對呢件事唔係咁在乎。」
商人劉先生昨用紅筆將「竄改歷史日本無恥」寫在衣衫上參加遊行，大隊經過崇光百貨時，他高呼「罷用日貨」，雖無人和應，但他並沒灰心。「我屋企一件日本貨都冇，車用歐洲車，電器用英國、德國、美國貨，我做生意都只係進口中國、東南亞糧食，唔買日本仔貨。」他認為，只要人人跟他一樣身體力行，從經濟上制裁日本將指日可待。
七十二歲的譚炳光昨身穿解放軍裝，頸上結上紅領巾，頭戴紅星綠軍帽，以「翻版毛主席」的造型參加遊行。這是他畢生首次上街，「日本仔亂咁改歷史，係中國人都忍唔住！」在內地出生的譚伯年輕時飽受日本侵華之痛，「當時我得十七歲，親眼睇住日本仔強暴婦女同殺人！」他自認貌似毛主席，「我希望扮佢鼓勵更多中國人出嚟反日。」
正在港大念三年級的謝智衡，是學生會的外務副會長，過去一星期不斷以電郵呼籲同學參與遊行，學生會本身對此事沒有統一立場，「今日學聯核心小組有二十人嚟咗，有啲重做埋糾察。我覺得今次遊行太民族主義，我主要係反對右翼分子，唔係淨係日本人，本來今日都有叫日本同學嚟，但係擔心危險，所以冇嚟到。」
失明人士光仔今年十八歲，昨日在友人扶持下完成整個遊行路程，對於日本拒絕承認史實，侵佔釣魚台感到不滿，「日本蝦我哋中國人，今時今日都唔承認史實，重侵佔釣魚台，又話要加入聯合國安理會，令我非常憤怒。今日嚟行我唔覺得辛苦，但係我唔會用暴力，我唔想以暴易暴。」
