一年一度嘅記協籌款晚會喺六月中舉行，今年請咗民望愈嚟愈高嘅周一嶽做榮譽嘉賓，唔知佢會唔會有即場表演，畀大家一啲驚喜？記協Ball係每年嘅重點籌款活動，啲嘉賓如果唔捐番咁上下，實唔會俾啲記者放過！八方呼籲嶽哥除咗帶夠錢之外，最好帶多幾個叠水嘅醫生朋友一齊嚟。
馬時亨同廖秀冬以前都嚟過記協Ball，馬仔上年係代唐唐嚟，因為唐唐突然要返內地招商，佢最後就俾記協屈咗五萬蚊先至走得。
不過去記協Ball，當然唔係淨係俾人屈錢啦，因為做善事會有好報，連運氣都會好啲，好似大狀黨嘅梁家傑，舊年去咗記協Ball高歌一曲之後，冇耐就成功做埋議員啦。
傳真︰2623-9278
電郵︰[email protected]