早前李珊珊以代言人身份拍攝一輯把玩毒蛇的廣告，但由於意識過於大膽而遭無綫禁播。昨日李珊珊到尖沙嘴出席記者會時透露會到澳洲拍攝第二輯廣告，屆時更會在沙漠以豔舞女郎look示人。
由於李珊珊早前拍攝的一輯纖體廣告意識過於大膽，所以遭無綫禁播，昨日纖體公司「減肥堂」於尖沙嘴美麗華酒店舉行記者會，播放足本禁播的玩蛇廣告。身為代言人的李珊珊穿上大露背及低胸白色裙到場，由於她日前不小心「拗柴」，故她昨日上台時要由工作人員攙扶。
對於廣告遭禁播，李珊珊覺得十分可惜，她說：「我希望無綫可以放寬啲啦，話晒喺一個大台度播，曝光率會大啲，總之有條蛇擺動嘅片段就唔可以播啦，冇動物就冇事。」
昨晚李珊珊起程到澳洲拍攝第二輯廣告，她透露到時會有十多個不同造型，她說：「我知道其中一個係喺和服入面着一件泳衣，另外就有一個喺沙漠拍嘅豔舞女郎look。」
此外，李珊珊又指攝影師葉青霖曾於馬爾代夫幫她拍了一些性感照片留念，問李珊珊是不是裸照，她笑而不答，只說：「啲相冇乜嘢，總之我覺得好開心啦，不過呢啲相係唔會公開嘅。」
問李珊珊會否選擇男友錢嘉樂任模特兒，她表示寧與外籍男模特兒合作，她說：「每日除咗工作嗰八個鐘，其餘時間都對住佢，所以做嘢時間畀我開心吓啦。」
採訪、攝影：馮美茵
