噚晚喺大會堂低座音樂廳，由一直為邊緣少年提供生活及就業輔導嘅協青社，同香港愛樂團合辦咗一個《協青社、香港愛樂團管弦樂之夜》，音樂會七點半開場，八方忽然見到電盈主席小小超李澤楷匆匆趕到，先知佢係呢項活動嘅主要贊助人。
小小超話，「年輕人邊個冇錯過，錯咗最緊要畀機會佢哋改過自新。」至於有冇信心啲邊緣少年真係可以回頭是岸，小小超就重複話，「𠵱家就係要畀機會佢哋。」之後就趕住入場。
李澤楷講得咁語重心長，其實佢喺商界都算係年輕一輩，不過佢肯出錢出力嚟做模範就最合適。當然佢與別不同，有個有錢老竇叫李嘉誠，但係要成功都要靠自己努力。噚日嘅演出嘉賓包括有港澳辦前主任魯平位靚媳婦姚珏。
傳真︰2623-9278
電郵︰[email protected]