城市脈搏1︰PSP狂潮撲港1秒鐘4,000人搶貨

今日孖版之圍港熱話1
幾個月前，Game友逢人問：「你今日買咗未？」
今時今日，Game友講緊：「重有邊個未買？」
PSP（PlayStationPortable）狂潮席捲香港，集遊戲機、電影、音樂播放和瀏覽圖片等多媒體功能，重可以同一班朋友進行16人網絡對戰，簡直是搭巴士、地鐵解悶的恩物。早前個個去親日本都一定被周遭親朋戚友搭單掃水貨，直到上星期二（4月12日），香港SONY終於推出行貨版網上預購，點知高峯期一秒鐘湧入4,000擊，SONY網站即時冧檔。你，係咪嗰四千分之一？

記者：邵超、楊一凡、余敏
攝影：林栢鈞　Model：Zita

蘋果PSP測試大使Zita
■放心交畀我啦！

■SONY預購網址已張貼出售罄啟事。

旺角人稱「媾女機」

以下是旺角系傳言：「十個男仔七個買咗PSP，另外三個買完×××之後，都係要Trade番部PSP！」「喺街攞部PSP梗係出嚟晒啦！媾女機吖嘛！」「今期連女都玩PSP，貪佢夠潮喎！」……
為咗測試呢部PSP的誘人魔力，蘋果「城市脈搏」特遣隊派出靚女測試大使Zita，由旺角Chic之堡轉戰旺角地鐵站口。Zita要拎住部PSPDummy（即係假機得個殼！）企喺街頭，原來部機媾仔都掂！即刻睇片！

俾仔圍
■走到人流最旺的地鐵站口企咗一陣，Zita聲稱壞機，吸引唔少MK仔圍埋嚟討論幫手。

眼睥睥
■直條男離遠望到Zita，行過發現無畫面，無作短暫停留。

你昅嘢呀？
■熱心白色間條男想幫Zita，但睇佢似搭訕多啲，嚇到Zita急急腳走。

悶人口水佬
■四眼仔掛住講打機，悶死Zita！

醒目仔
■個樣似足房祖名的路人甲驚係大整蠱，於是雞咁腳撇低Zita！

乜你唔使做咩?!
■旺角推鎖員風褸男熱心地幫Zita檢查PSP，希望畀到個答案佢。

歷史一秒　伺服器也癱瘓

SONY官方事先張揚PSP行貨將於5月12日上市，而4月11日晚上11:00pm，網上內部預購正式開始。誰知踏入4月12日的訂購高峯期，來自全城逾4,000網友在同一秒內Click入www.sonystyle.com.hk，SONY官方伺服器因負荷過重即告癱瘓，網上預訂也即時截止。「得不到葡萄」的網友們旋即在全港各大PSP新聞組狂轟，質疑SONY是次預購行動策劃有欠周詳。SONY官方則在兩日後4月14日在各門市設立PSP訂購服務，一次過推出三款套裝，當中贈品更有名牌時裝店參與，令部份心急的機迷得以分流預購。

$1,980
■行貨PSPValuePack包括PSP主機、火牛、電池、MSDuo（32MB）、線控裝置與耳機、吊帶、收藏包及抹布。

■SONY門巿現已提供PSP預訂服務，不過店內客人嚟試玩的居多，每隔一陣就排長龍。

炒價倍升　全民走水貨

PSP狂熱，其實早就有迹可尋。去年12月日本剛推出PSP，緊貼潮流的香港人開始進入瘋狂狀態。第一批抵港水貨旋即被炒至五千多元高位，比日本?26,040（約HK$1,950）的零售價高出一倍有多。後遺症是，全港Game民開始自任水貨黨，幾乎每一個前往日本旅行的年輕潮人都會自發性或受友人所托，在日本當地入貨。連經常帶團往日本的導遊都說，因為經常受到團友查詢，所以近期PSP各地銷售點亦已成為他們的「新功課」之一。

■日本人比香港人更鍾意排隊，去年12月12日PSP推出第一天，日本Game友同樣通宵排隊等派貨。

■香港人在日本當地狂掃PSP，也成為日本本土貨源短缺的原因之一。

傾掂大片商　UMD抵港$230

PSP破革之處，是電影和遊戲均使用SONY原創UMD（UniversalMediaDisc）。UMD比DVD小，直徑2.4寸，容量達1.8G，成本高、難假冒。UMD影碟跟DVD一樣，依國家分區號以防盜版，美國為一區，日本是二區，香港是三區。
香港暫時未有電影公司落實推出UMD版本電影，但美國則有哥倫比亞、米高梅、福斯及LionsGate等電影公司加盟UMD陣營。首批二區日本UMD影碟已於上星期抵港，每套售價約$230-$320，部份水貨店售價比日本原價?3,980（約HK$290）更抵買。

■PSP的影碟與遊戲均使用這款2.4寸UMD碟。

4月19日上市UMD
《十面埋伏》
《地獄之子》
《殺手攻略》

即將上市UMD
《英雄》
《驚天奪寶》
《魔盜王之決戰鬼盜船》
《滅絕反擊》

查詢：德勁（23882109）
旺角好景商場一樓34號舖

■Fans豪：「除非套戲成日睇，我先會花三百蚊買UMD，否則我寧願將電影Zip檔案落512MB卡，睇完就刪除。」

試睇《功夫》預告
■日本版Demo解像度和音效均表現突出。

首輪抵港日區UMD
《生化危機1》$230
《生化危機２》$280

《蜘蛛俠2》$280

■UMD便攜袋

■頸繩

■時尚膠手帶

■fingercroxx便攜袋

眼紅iPod打低NDS

唔講唔知，這部集合多媒體功能的PSP，據稱當初是眼紅iPod的成就而生。「PS之父」KenKutaragi，曾公開承認因公司策略失誤，間接令iPod在短時間內竄紅，所以PSP來勢洶洶，瞄準任天堂手提遊戲機、NokiaN-Gage及AppleiPod一併出擊。
至於去年12月與PSP同期推出巿場的任天堂NDS，就與PSP打了一場硬仗。雖然迄今NDS的全球總出貨量比PSP稍勝一籌，但在香港區卻似有不敵PSP之嫌。據水貨商德勁電子透露，該店買PSP的客人跟NDS的比例是3:1，即十個客人中有七個買PSP；部份老早入NDS的顧客，後期更把NDS賣掉，補$700換番PSP套裝，或補$1,000換PSP豪華版連遊戲。