八方噚日喺「香港好東西」銅鑼灣嘉年華見到最近新聞多多嘅灣仔區議會主席黃英琦，佢阿姐雖然要坐輪椅，但係都非常投入。
黃英琦今次因喺昆明打高球跣親，扭傷右腳腳踭要做手術，於是親身體會到喺香港做輪椅客幾辛苦，「我𠵱家變咗一件貨物，日日同啲電腦、影印紙同地氈一齊坐貨𨋢，感受真係好深。」
Ada認真當黑，同周德熙復活節去昆明，第二日打咗三個洞就出事要飛返香港醫，正式遊飛機河。好彩手術順利，早前拆咗線，𠵱家一路好緊。
至於李兆基筆二千五百萬捐款，真係喺佢出發去昆明前一日先收到確認信，佢冇意唔講。經此一役，Ada都覺得自己戴太多頂帽，而且警覺性不足。
傳真︰2623-9278
電郵︰[email protected]