周汶錡與at17昨日在尖沙嘴出席「青少年藝術家年賞2005」頒獎禮，被問到會否參與今日的反日大遊行，她們異口同聲表示不會，at17說：「唔會去，我哋支持和平，反對唔和平嘅事發生，亦唔係我哋去判斷錯與對，大前提應該用和平手法解決，𠵱家二千年，唔係唔講道理，係進步年代，唔再係以前有唔妥就去打仗解決問題，所以我哋唔會去參與。」
而身為某日本品牌代言人的周汶錡說：「唔係代言人嘅問題，產品本身冇錯，我亦唔會減少着日本衫，我大部份嘅嘢都係日貨，我又鍾意日本，但呢樣係兩回事，好無辜，應該針對件事，唔好針對其他。」
而官恩娜出席一公開活動時說：「我覺得唔應該搞啲咁激嘅活動，𠵱家係文明嘅社會，應該和平去處理，但事實就要公開。」2R說：「新加坡遊行係犯法，所以我哋冇呢樣嘢，不過我哋覺得唔可以盲目參加，要知清楚係做乜嘢先。」張栢芝則說：「其實係中國人都應該去，但都要合理去做，唔好太過份。」