方力申、黃伊汶（Emme）和女生宿舍成員Toby昨日出席商台「小儀DeeDee人狗招親」活動，Emme和Toby帶了家中寵物到場，最後小儀和愛犬DeeDee皆覓得伴侶。
剛學人養貓的方力申，參加活動後表示也想養一頭狗：「自從養咗寵物後，我覺得個人定性咗、善良咗、愛心又多啲、人又醒目啲。但係有啲情侶拍拖時會齊養動物，我就唔會，因為之後分手隻動物撫養權係邊個呢？到時變咗流浪貓狗就弊。」有報道指鍾欣桐在台灣參加派對時飲酒，方力申說：「唔知喎！但作為朋友，我知佢唔食煙唔飲酒。」
Toby帶來的Odie最乖，她說：「平時佢唔鍾意我同男仔一齊，就算我沖涼或者去廁所都要跟住，試過沖完涼抹身，佢就舔我大髀嘅水。」此外，Emme帶來的「冬菇」，其實是姊姊養的，她說：「我算係冬菇嘅阿姨，家姐話我成日帶佢出騷，𠵱家要收錢，一個鐘收三百蚊，今日兩個鐘咪六百囉！」
採訪：王連連
攝影：何國豪
