成奎安（大儍）早前發現患上了鼻咽癌，經過三十七次化療及六次電療後，康復程度令人滿意。而大儍覺得沒有工作的日子很難熬，故準備下月上北京拍劇。
香港明星足球隊昨日於九龍塘表演「十周年誌慶盃足球比賽」娛賓，而早前患有鼻咽癌的成奎安昨日亦現身欣賞球賽，他自言身為球隊其中一成員當然會支持。大儍昨日精神奕奕，更與隊員影合照，不少隊員亦有上前慰問。
問到大儍近日身體狀況時，他說：「𠵱家幾好，都可以講係完全康復，不過醫生話會有復發機會，所以要好小心。𠵱家兩個禮拜要覆診一次，一個月照一次內窺鏡，所有療程上年十二月都做晒喇。」
大儍雖然十分滿意康復程度，但他表示留有後遺症，大儍說：「我右邊耳仔聽唔到嘢，又冇味覺同嗅覺，口水同眼淚分泌又有問題，所以每次食完嘢都要飲水沖一沖啲食物，不過醫生話會慢慢好番。」
大儍自言化療期間期暴瘦四十多磅，他說：「𠵱家得番一百七十六磅，頭髮都係呢幾個月先生番出嚟，之前重係光頭。」康復得七七八八的大儍更準備北上拍劇，他說：「下個月返北京拍劇，會拍一個月，我同家人講畀我做吓嘢，日日行山釣魚都悶喇，而且又唔會好辛苦。」
問大儍可有致電慰問正與肝癌對抗的羅家英，他說：「成日都通電話，重食過幾次飯，佢幾好精神，重好過我。」
採訪、攝影：王崇穎