張學友、陳潔儀和許慧欣等，前晚在紅館演出國語版音樂劇《雪狼湖》，全場爆滿，學友的大女張瑤華、陶喆和杜麗莎等都來捧場。
學友其中一幕要喊，問他可有流出真眼淚？學友說：「梗有啲真感情，但未至失控，觀眾反應好好。始終係第一場，我有啲緊張同壓力，踏出舞台真係好似《虎度門》咁，而且囡囡又第一次嚟睇，都梗有壓力。」
學友的囡囡上半場在台前欣賞，下半場便返回後台了，學友說：「囡囡同我講咗啲無聊嘢，佢話唔明劇中點解兩個男仔要爭一個女仔，點解其中一個男仔唔去追另一個女仔喎。我同佢講咁梗係要咁做，搵啲嘢嚟做吓。」學友表示其後的演出都不會再讓囡囡到來欣賞了，他又點頭示意太太羅美薇和幼女均沒有到場。
此外，學友昨日接受台灣記者長途電話訪問，他說：「我每晚完騷後要回家為幼女換尿布和洗澡，太太亦怨我的錢包只放兩名女兒的照片。雖然女兒還小，但我很擔心她們將來可會找不到好丈夫。」
採訪：胡比
攝影：陳慧安