本田剛剛在日本推出了以Civic底盤製成的CityRV車的Airwave，車身比Civic短少許，同樣用上1.5公升VTEC引擎，最大馬力110ps。車廂為5座位設計，但卻用上如7人車般座位變化，令車廂空間更靈活運用。此外，車廠為Airwave用上超巨型天幕車頂，面積由車頭伸至後座，令車廂空間感更強。
記者：袁國基
電單車油缸蓋貼紙$35有型
有時對耐咗自己部愛駒，就想整吓色水，貼吓貼紙，或者車身拉吓花。以下介紹嘅裝飾，實際用處唔大，不過就可以扮吓靚，貼落又唔浮誇，最啱低調一族。
記者：戴維浩 攝影：陳偉強
Mazda2推出Sport版
推出兩年多的Mazda2（日本版稱Demio），最近在日本本土進行了首次Facelifted及加上Sport版型號。改良後的Mazda2在耗油上有輕微改善，而Sport版則明顯是狙擊豐田新EchoRS版而生，輪胎由185/55R15升級為195/45R16，最重要是將原有Mazda3的4前速加減波箱也一併移植過去，令駕駛更富樂趣。
記者：袁國基
積架新車首展IFC夠派頭
每逢周六周日，有唔少汽車代理商會搵唔同商場搞吓Roadshow車展，等班車迷假日多個節目選擇嘛！不過，香港地稍具規模的展場並唔多，尤其港島區可謂少之又少，有時候擺完九龍或新界，想喺港島搵番個既人流多，又有番咁上下「卡士」的地方，真係費煞唔少代理商㗎！
不過，凡事都有例外，正如講求氣派同貴族化享受的積架汽車，今個周日就搵來港島地標之一，屹立中環海旁的國際金融中心（IFC）擺Roadshow車展。以筆者記憶所及，呢個有唔少型男索女及商賈富豪出入消遣的貴氣地方，都係首次出租場地畀汽車代理搞車展，可見積架汽車確實有面子呢！適逢佢哋剛啱Launch咗部至新的S-Type2.5V6Classic，車價不過係39萬9千9，有興趣的朋友不如去IFC消遣之餘，順道睇埋車展啦！
記者：陳偉林
