徐子淇和陳鍵鋒昨日在金鐘西武與一班名模行騷。陳鍵鋒表現淡定，他事後指有五位數字酬金，但因拍劇無綵排，惟有打天才波。
問陳鍵鋒有沒有獨立更衣室，他說：「大會初時話安排，不過我諗住男女分開，咪唔使，點知全部一齊換衫，有啲女仔重企正我側邊，都幾唔習慣。」豈非豔福無邊？他說：「冇乜嘢睇到咋，我換四套衫好忙，佢哋要換八套重趕。我都係着內褲，唯一最尷尬係有三個女仔幫我着衫，我着緊褲時，佢哋就喺前面幫我扣鈕。」
而徐子淇病癒行騷，記者笑她財多身子弱，她直認不諱說：「都會，一個人好難平衡，多工作賺多錢，自然冇時間休息就會病，不過我做嘢至今都唔知賺幾多，我都有付出㗎。」
採訪：梁錦雯
攝影：陳偉權