無綫劇集《學警雄心》眾演員除了薛凱琪之外，昨日在尖沙嘴海港城SportX籃球場跟香港警察籃球代表隊打了一場友誼賽，結果由警隊籃球代表隊勝出。吳卓羲及吳浩康打得似模似樣，但身形高䠷的陳鍵鋒在球場上竟然笨手笨腳，他說：「我細個踢波俾個足球撞爆咗隻眼，之後就唔敢再玩球類運動，轉去玩田徑同水上運動。」
吳卓羲自小愛好球類運動，排球、籃球及手球都是他的至愛，他說：「我係手球校隊，其他就唔係咁勁，不過都試過踢波俾人踢跌，成個額頭撞落地，縫咗十七針，留下一個L字疤痕，我最鍾意嘅黃色球衣重變咗紅色！」
對於吳卓羲指薛凱琪身嬌肉貴，陳鍵鋒說：「佢係小朋友，咁辛苦佢𠵱家都捱過，我係佢bestfriend，我撐佢。」但當陳鍵鋒知道薛凱琪相約一班同劇演員外出食飯，卻未有通知他時，他說：「佢冇叫我喎！又話係bestfriend，真係討厭，以為自己plug歌大晒啊！等我打電話鬧佢先。」
採訪：楊潔雯 攝影：陳偉權
