劉慧卿（圖）素來好少同地產商行埋，但近日佢為咗推動制訂公平競爭法，就主動寫封信畀新世界發展嘅鄭家純，尋求支持。卿姐唔係無的放矢，佢喺封信話，純官近期公開講過香港地產市場存在寡頭壟斷問題，因為地皮集中喺少數大地產商手裏頭，因此建議分拆地皮出售，純官又批評西九單一招標嘅做法。有見及此，卿姐當然打蛇隨棍上，希望純官加入佢支持制訂公平競爭法嘅行列。唔知純官會唔會睬佢呢？
卿姐喺封信度亦都好坦白，話舊年前綫接受過香港建造商會二十五萬元嘅捐款，贊助佢做長遠房屋策略研究。近排黃英琦因為接受恒基捐錢搞到一身蟻，呢啲嘢都係主動披露好啲。
傳真︰2623-9278
電郵︰[email protected]