香港迪士尼噚日請咗班立法會議員參觀地盤。大狀黨梁家傑參觀後話，覺得香港迪士尼好似東京迪士尼嘅縮細版，乜嘢都係細一個碼，路又窄啲、餐聽又細啲。
不過香港迪士尼嘅機動遊戲就贏晒，如果同一個機動遊戲，喺香港嗰隻就會噴火，東京嗰隻就唔識噴，相信香港嘅遊戲一定會比東京好玩，估計開幕一定迫爆，建議政府到時每日朝早公布重有幾多飛剩，唔好搞到啲人去到先撲唔到飛。
民建聯好多議員去參觀迪士尼，曾鈺成就寸馬丁話，你咁親美都唔去迪士尼？馬丁話，咁你就應該杯葛啦，不過今個星期係反日，𠵱家要杯葛日本，唔係美國！
傳真︰2623-9278
電郵︰[email protected]