張學友主演的國語版《雪狼湖》昨晚在紅館開鑼,而學友大女張瑤華更到了紅館支持父親,難怪學友事前顯得信心十足。另一方面,大會亦特別將觀眾席加高,以便他們可以看得更清楚。
由張學友監製兼主演的音樂劇《雪狼湖》國語版昨晚在紅館開鑼,學友的大女張瑤華及契爺胡楓等亦有捧場。
而一眾演員包括張學友、陳潔儀及許慧欣等,前晚在紅館進行綵排,為了令觀眾與舞台距離更接近,大會向有關方面申請將觀眾席加高九呎。另一方面,由於今次所有對白及歌曲都是以國語演繹,所以於表演期間亦會配上字幕,令觀眾更清楚故事內容。
提到今次與九七年演出時的分別,學友說:「我覺得各樣條件都比起九七年成熟好多,我對今次演出好有信心。」提到女主角許慧欣,學友則笑說:「其實成班人都係得佢一個緊張,因為成team人得佢一個未做過,我諗佢跳舞OK嘅,唱歌應該冇問題。」
學友本來表示太太羅美薇因要留在家中照顧兩女兒,故不會捧場,他說:「佢要湊女唔嚟啦,佢嚟都睇唔明啦,我終於明白點解今次要有字幕,至於個女就聽乜嘢文都係明得兩、三成。」不過,他的女兒張瑤華最終亦有到場。
學友表示正構思全新音樂劇,不過由劇本創作至選曲到少要花兩年時間,他說:「下次再做音樂劇都會以國語為主,應該都係愛情故事,不過我希望做導演,一來可以輕鬆啲,二來又可以跟足自己意思去做。」而陳淑芬則透露加高觀眾席的工程大約花了近三十萬,而座位數目亦因此而縮減至不足七千。
另一方面,陳潔儀九七年演出時曾遇上音響故障,她說:「嗰時係個咪無端端冇聲,所以我就要清唱,希望今次所有嘢順利。」記者問她是否已婚時,陳潔儀說:「我未結婚呀,雖然我都希望可以快啲,不過我唔係一個成日諗結婚嘅女仔。」
採訪:胡比、李珮洳
攝影:何國豪、葉君海