麥家琪昨日穿上和服出席亞視節目宣傳活動，由於近日反日情緒高漲，麥家琪對亞視此安排顯得不滿，更炮轟說：「我都驚出街會俾人打，有乜嘢冬瓜豆腐睇吓公司點算。」不過亞視高層葉家寶表示無意效法無綫將日劇抽起的做法，揚言節目只是交流飲食文化。
麥家琪與亞視節目《煮食無界限》的主持黃麗梅、袁文傑、江美儀、何佩儀及馮梓瑩等，昨日出席在佐敦滄浪庭京川滬料理舉行的記者會，麥家琪、黃麗梅及馮梓瑩更分別穿上日本及亞洲不同地方的傳統服飾作宣傳。
麥家琪昨日幾乎全程黑面，除了不滿被安排穿和服宣傳外，更不滿被飛出該節目，由何佩儀取代其主持工作。被問到近日反日情緒高漲，可會擔心其和服打扮引起外界不滿，麥家琪即炮轟說：「今日着住套和服揸車嚟真係搵命博㗎，有思想鬥爭，驚出街會俾人打，之前去日本拍就冇我份，𠵱家就要我着和服宣傳，我都唔知自己嚟做乜，我有乜嘢冬瓜豆腐睇吓公司點算。」
麥家琪揚言若非星期日要開工，一定會參加反日遊行，其後她又繼續炮轟亞視說：「佢哋話文化同政治要分開喎，幫公司宣傳係應該，搞到咁就核突啲，出嚟做咗十幾年嘢都未試過咁，話我度唔到期去日本，但係又安排我返內地拍《苗翠花》，明明拍完又唔放人，今日拍緊《十大奇案》，明明有嘢做緊，都要度期過嚟。」
亞視高層葉家寶及後親自安撫麥家琪，被問到無綫已刻意將日劇《大奧》抽起，亞視會否效法時，他說：「星期日就會播日本嗰輯，其實都係用中國材料嚟煮日本菜，飲食無界限，唔談政治同歷史，只係飲食文化交流，因應配合宣傳，原本安排麥家琪化藝伎裝，就係怕敏感先淨係着和服，我已經同麥家琪講呢個節目重有幾個季度會拍。」
採訪、攝影：卓美娟
