方力申向來形象健康，在學界更是學生好榜樣。日前方力申出席一間學校的講座，與學生分享他當運動員的經歷，之後有學生要求合照和索取簽名，甚受歡迎。方力申更自爆曾因遲到被罰留堂。
飛魚王子方力申完成學業，在樂壇默默耕耘，這番毅力得到各界欣賞，成為榜樣，早前他接受基督教丘佐榮中學邀請，在校內舉行講座，對數百位學生講述做業餘泳手的心情。
方力申以過來人身份鼓勵該校泳隊學生。更有老師希望方力申可以鼓勵自己的女兒，不要放棄習泳。事後方力申被學生團團圍着要求合照，成為新一代「學生王子」。
方力申坦白地告訴學生他曾經因為游水成績沒有進步而失落，瞞着家人在練習時間到機舖打機，他在台上說：「之後有段時間成績幾好，個心有少少飄飄然，練習時間就遲到，試過最離譜遲一個鐘，最終咪要罰留堂，後尾自己諗番都覺得唔啱，以後就再唔敢做。」
得到學生的愛戴，又在家長眼中成為學生典範的方力申，事後接受訪問時說：「好多家長都同我講，話佢哋嘅仔女只係聽我講嘢，反而唔聽屋企人嘅說話。其實我都有一年冇去學校做講座，每次講完之後，見到咁多學生咁聽話，就覺得我呢個榜樣一定要做得好好，時時都提醒自己要小心言行。」
方力申不斷獲廣告商垂青，最近接了一個廣告，稍後會往外地拍攝。至於他的新唱片會於下月底推出，他說：「唱片嘅歌差唔多錄晒，封面相都影咗，應該可以五月出到。」
採訪、攝影：王連連
