韓人狂熱最愛蒲三點

電視劇威力無窮，一套《大長今》把本來㷫烚烚的韓國熱潮推至更高峯。一切跟韓國有關的衣食住行、名人紅星，都是城中熱話，不少男士還想識番個韓國女朋友。咁到底留港韓人愛去邊度蒲呢？原來是港九三熱點。而韓妹眼中的理想港男係點樣呢？現在開估！

記者：楊一凡　攝影：陳陶鈞、伍慶泉、楊錦文
模特兒：JuliPark@starzpeople、Adam@hkgenesis

海港城+諾士佛台

太古城雜貨店

置地+蘭桂坊Insomnia

鄭尚宮、小長今明天抵港

繼韓尚宮、閔大人前後腳訪港後，明天鄭尚宮和小長今亦會抵港作宣傳活動，想見吓佢哋，記住鎖定以下行程：
呂韻季（鄭尚宮）、趙貞恩（小長今）
4月16日　乘飛機抵港
4月17日1:00pm 　紅磡都會商場親筆簽名會
4月18日4:00pm 　紅磡海逸酒店韓國旅遊文化大使任命記者會

呂韻季（鄭尚宮）

趙貞恩（小長今）

韓人熱蒲點

模特兒JuliPark女仔愛蒲K
來港工作10個月的Juli愈來愈忙：「最近《大長今》在香港極紅，好多Job都要穿韓服，想當年我在韓國只穿過一兩次，但這幾個月替雜誌和報紙拍照已穿了四五次。公餘我最愛購物，中環置地廣場齊集各國名牌，蘭桂坊有幾家較靜的酒吧，像ChinaClub和KeeClub都很不錯，每個月約去兩次。不過女仔就多去唱K，唔怕被打擾。說到韓國菜，尖沙嘴豐園的泡菜是全城最美味。」

■中環置地和蘭桂坊是Juli至愛。

蘭桂坊ChinaClub

音樂人Corrine諾士佛台同鄉多

Corrine來港五年都是全職音樂人，她坦言最愛到諾士佛台的酒吧及餐廳蒲，「這一帶的餐廳各有特色。Chaser酒吧和狎鷗亭是首選，平時我跟朋友在海港城購物後，就會到諾士佛台吃飯，狎鷗亭由韓國廚師主理，他不時到店面巡視，跟我們傾兩句，很親切！飲咖啡就會去金巴利道的WildPoppies，老闆是同鄉，熟知口味。」

■最愛金巴利道的WildPoppies。

■去完海港城Shopping，直落諾士佛台就最啱。

髮型師Steve識女仔靠侍應過橋

來港三年一直在麼地道帝國中心經營髮型屋的老闆Steve，食飯首選是狎鷗亭，餐廳氣氛好，九成客是韓國人，像回到家鄉去。打扮前衞的Steve可有甚麼媾女心得分享？他尷尬一笑：「在韓國蒲吧，若想識隔籬枱女仔，可塞錢給侍應，請其轉告；若女方有意，就可坐過去傾兩句，請她飲杯嘢，幫她斟酒。韓國女仔好飲得，男人除咗大隻夠Man，還要酒量好！」

■Steve來港三年，髮型屋以韓國客人為主。

■樓上店狎鷗亭由韓廚主理，會做些Menu冇的菜式給同鄉吃。

韓女口味眼細最靚仔

香港人覺得韓國男明星無個靚仔又老土，但綜合韓妹意見，原來佢哋睇香港男明星另有一套：「萬人迷」陳冠希極普通，吳彥祖無咩印象，成龍個鼻太「肥」，原來韓妹鍾意男人大隻夠Man，同埋夠大力！（心口有毛會唔會更Man？）咦，個個搖晒頭，話唔整齊。在韓妹眼中，港男說話溫柔，做事細心和樂於助人，這些優點韓男鮮有，咁韓妹心目中的完美港男又係點？請看左邊合成圖。

完美港男（電腦合成圖片）

韓妹一致推舉：周潤發身形最夠Man！

■韓妹覺得眼細最靚仔，好似阿Rain咁就最完美。

學生妹李美蘭：劉德華對眼又細又長好迷人。

旅遊顧問：金城武最型，眼細、個鼻又高又大，身形都好高大！

髮型屋學徒：黎明最靚仔，眼細嘴又靚，佢又識韓文呢！韓國女仔好鍾意佢。

長今Out！海神In！

根據提供韓劇租借服務的新羅食品老闆娘Terri話，𠵱家《大長今》已經Out晒，KBS電視台以同名小說改編的韓國古裝電視劇《海神》是近期人氣韓劇，據聞中央電視台有意引入此劇。而近期熱播的韓國時裝趣劇《HongKongExpress》亦是高收視之選，女主角宋允兒現在跟長今一樣咁紅，想一睹其風采可到www.songyunah.com。