容祖兒、廖碧兒、Rosemary、陳小韻及陳見飛等昨晚在銅鑼灣出席Coach新店開幕，祖兒穿上全身Coach服飾出現，手上價值五千三百三十元的限量版手袋最為搶眼，祖兒表示十分喜歡鮮豔顏色，手袋則喜歡很大個的，但近年漸趨成熟，開始欣賞小手袋。
祖兒說：「我最貴個袋要三萬幾蚊，一向最捨得買袋同鞋，屋企已經有五十幾個袋，篋都有十幾個，可以隨時搬屋。」問到其母可會穿她的服飾，祖兒說：「唔知係咪我啲嘢臭，我阿媽唔鍾意用，又話怕俾人知佢用個女嘅嘢喎。」
此外，陳見飛透露近來主要幫其弟陳冠希打理舖頭的財政及搞派對，讓陳冠希在派對上打碟，陳見飛說：「搞party係有贊助，我哋唔使貼錢，貼錢就唔做啦。」陳見飛表示早前與男友分手，母親勸她今年不要再拍拖。
採訪：胡比
攝影：林德雄
