梁靜茹近日在香港為剛推出的演唱會實況專輯作宣傳，她早前曾與房祖名傳緋聞，但今趟香港行似乎未有找祖名敍舊，連對方主演的新戲《早熟》都未有時間欣賞。
靜茹表示當時因為她與祖名都跟隨李宗盛學音樂，二人接觸多了，才會傳緋聞，不過她對祖名還是讚賞有加，靜茹說：「我搵過佢做我演唱會嘉賓，緋聞冇影響我哋嘅友情，同佢做朋友好難得，佢係我圈內少有傾到偈嘅朋友，佢係個好努力嘅後生仔，日日練結他，造詣好但又謙虛，待人有禮細心，識得照顧身邊嘅人。」
靜茹表示祖名並無邀請她看《早熟》，她說：「佢認為朋友就係要自己買飛捧場。」至於祖名有沒有因為自己是成龍兒子而壓力大？靜茹說：「佢好少講，但我哋都睇得出，好難得佢冇變成公子哥兒或者嬌生慣養，呢一點我好欣賞。」
採訪：李珮洳
攝影：仇志德
髮型：DericNg
化妝：AngelYip
場地提供：IslandSeafood