雖然銀行近日不斷加息，但樓市卻沒因此而冷卻，反而因凱旋門發展商透露以31,384元破紀錄呎價售出一個頂層複式單位，令日見暢旺的樓市火上加油，不少紅星如古天樂、周潤發和楊千嬅亦紛紛趁此機會出售手上豪宅，至少有千萬利潤落袋。
雖然銀行近日不斷宣布加息，但仍然無礙樓市興旺，位於尖沙嘴的豪宅新樓盤凱旋門明日始正式發售，但發展商已出售了一個頂層天際獨立屋，造價一億六千八百萬元，呎價高達三萬一千三百八十四元，創下本港分層住宅最高呎價紀錄。古天樂和周潤發等幾位紅星眼見樓市狂飆，紛紛將手持的豪宅放盤，希望趁機賺一筆。
下月搬屋出售舊居
古天樂○二年以三千三百萬元購入京士柏山一間三千呎獨立洋房，近日他已將豪宅放盤，叫價四千五百萬元，平均呎價一萬五千元，如果成功出售，古仔可賺一千二百萬元。昨日古仔接受電話訪問時說：「下個月我會搬入上年買入嘅另一間京士柏獨立屋住，所以舊嗰間就想賣番出去，𠵱家個樓市咁旺，我都希望可以有一個好價錢賣出層樓，而新屋係上年我以六千幾萬買入，面積有四千幾呎，同屋企人住舒服啲。」
而發哥去年四月以四千六百萬元，購下長沙灣嘉珀山一個約三千六百呎頂層複式單位，附有一個空中花園，最近有多個地產經紀主動接觸發哥，希望他將豪宅放盤，據知放盤價為七千二百萬，平均呎價二萬元，若成功出售，發哥即賺二千六百萬元。
死守二萬呎價底線
發嫂昨日接受電話訪問時說：「呢排係有好多地產經紀問我哋有冇興趣將個單位放盤，呢層樓原本係買嚟自住，但如果價錢真係好好，我會考慮出售。我心目中嘅價錢係兩萬蚊一呎，我同地產經紀講咗，有呢個價錢就會賣，去唔到呢個價就唔會考慮，反正我哋唔等錢使，我覺得現時個樓市重可以維持一段升勢，投資物業相信會有回報。」
另一方面，楊千嬅前年以三千六百萬元購入赤柱富豪海灣一個四千幾呎的豪宅，入住約一年，近日她亦有意放盤。千嬅透露心目中的放盤價約五千三百至五千五百萬，若成功出售，起碼可賺一千七百萬元，她昨日在電話中說：「我有意思放樓係為咗屋企人，因為父母覺得太遠啦，出入好唔方便，咁我先至想搬番出市區住，但現時都未搵到屋搬，我工作又忙，抽唔出時間搵樓，而富豪海灣我都要等到有好價錢先賣，價錢唔啱咪唔賣住，我又唔係急住搬。」
禮頓山升值一千萬
至於今年二月以約六百八十五萬元購入尖沙嘴漾日居的葉璇，其單位面積約一千一百七十呎，短短兩個月已升值一百萬元。問到她會否趁樓價上漲立即放盤？葉璇昨在電話回答：「我啱啱先裝修好，準備過幾日搬過去自住，所以暫時都唔賣住，除非個價好吸引。」
此外，早前有報道指鄭少秋以九百多萬元買下一個何文田君頤峰單位，對於樓價直線上升，他在電話中說：「層樓係太太嘅，但暫時都未打算賣。」秋官又透露目前居住的禮頓山已升值一千萬，他說：「呢啲都係數字遊戲，睇相佬叫我要保留不動產，唔好咁冒險。」
採訪：陳月媚、比華利
