周國賢前晚舉行小型音樂會，並邀請了薛凱琪（Fiona）出任表演嘉賓，兩人更在台上合唱，不過Fiona卻不小心春光乍洩。另一方面，Fiona送了一條大毛巾給周國賢，並教他與太太鴛鴦浴後用來抹身。
周國賢前晚在九龍灣演出商台「狂迷音樂會」，並邀請了薛凱琪、樂壇新人張繼祖及高潮樂隊等出任表演嘉賓，劉浩龍亦有捧場。
化妝師阿Zing前晚特別為周國賢化了smokyeyes，但因為他唱了幾首歌便不停流汗，加上又用手捽眼及鼻子，最終變成「花臉貓」。
另一方面，穿上背心及短裙的表演嘉賓Fiona，前晚上台與周國賢合唱她的歌曲《886》，當Fiona蹲下拿水解喝時，不慎春光乍洩，而她亦一時興起要求周國賢除衫，還送大毛巾給他做禮物。
Fiona事後說：「我送毛巾畀佢好多用途，佢除咗可以用嚟抹汗，又可以同太太鴛鴦浴之後抹身，好warm。」周國賢聞言即作出反擊，他說：「我未試過，乜你同男友試過咩？」對此Fiona說：「你想跣我呀？我都冇男朋友。」提到Fiona在台上不慎春光乍洩，她說：「我打咗底，唔驚。」
周國賢前晚的化妝最終變成「花臉貓」，對此他說：「因為我流汗令個化妝整到隻眼，好辛苦，我咪捽眼囉，但整到花晒真係唔知，我做騷都好緊張。」對於前晚有約一千二百名觀眾入場欣賞，周國賢感到十分開心，他說：「太太帶咗個女去韓國讀summercourse，但我媽咪就嚟咗睇騷。」
採訪：胡比
攝影：何國豪
