原子鏸、劉浩龍及貝安琪昨日在衞生防護中心拍攝港台劇集《醫學神探》，三人在劇中飾演醫生，並四出搜查日本腦炎及登革熱的疾病源頭及傳染途徑。
劉浩龍透露前晚在家中替自己「動手術」，昨日亦清楚見到其臉上疤痕，他說：「係毛囊發炎，喺同一個洞生咗兩條毛，又用針又用火去清理，結果搞到成手血，不過我又唔係靠塊面搵食，我會緊張把聲多過個樣。」
原子鏸與貝安琪戲內戲外均顯得甚為投契，原子鏸自言一向非常注重個人衞生，她說：「我每日都洗好多次手，如果去內地拍劇會自己帶私家枕頭套、床單同被套。」而初次在港拍攝劇集的貝安琪則表示要惡補中文，她說：「我媽咪幫我繙譯晒啲劇本，我只係拍一集，下星期返德國拍劇。」
採訪、攝影：卓美娟