上兩集蝙蝠俠又黑又悶，即將上映的《蝙蝠俠：俠影之謎》據講好精采，Fans拭目以待。不過電影到六月至有得睇，但Mattel就率先推出電影相關玩具，已經證明好精采——早前在玩具反斗城率先推出數款賣到斷市，要五月至返貨。至前日，蝙蝠俠終於登陸各大百貨公司，新貨到貨量足，包裝未「霉菜」，之前未買又想買的Fans，記住去搶！貨款暫時唔夠十款，包括所有主要角色的Figure、蝙蝠俠三款座駕：跑車、電單車、飛機等。
記者：邵超
蝙蝠俠座駕
銷售點：玩具反斗城、各大百貨公司
大包圍買起麥嘜
由即日起，於全線OK便利店購物滿$20，即可免費換取由麥家碧親自設計麥嘜「任你串」英文字母襟章一個，兼送字字珠磯「麥嘜甘句」一句。整套字母襟章26個，全套章共30款，個個密封，就連售貨員都唔知邊款打邊款。想湊齊一套，難度好高，不過集合親朋之力，在未來八星期之內，起勢買大包圍，點都集齊啩！
記者：楊一凡
