鄭少秋下月在紅館舉行兩場個唱，在近期的反日浪潮中，秋官個唱卻找了一個日資品牌做贊助，不過秋官表示贊助商的產品原料是來自內地，而且他亦不想評論政治。
鄭少秋將於下月十二日及十三日在紅館舉行演唱會，會邀請鄧萃雯、關菊英、張天愛及趙雅芝做嘉賓。昨日秋官與鄧萃雯在都會海逸出席記者會。
個唱由日資機構「Ｂ+ｂ蜂膠及蜂王漿」贊助，在近期的反日浪潮中，秋官個唱由日資機構贊助，會否擔心受非議？他說：「任何嘢都有好同唔好嘅地方，我呢個贊助商嘅產品蜂膠都係取自內地，然後運去日本加工。我唔係咁想評論政治，總之歌迷最緊要嚟睇我嘅演唱會。」
原本汪明荃（阿姐）早已表示要擔任秋官的個唱嘉賓，但她近期忙於拍劇，檔期難以遷就，所以未能成事，秋官說：「雖然我預咗阿姐唔嚟，但講真我最驚到時佢同欣宜兩個失驚無神殺上嚟，搞到我陣腳大亂，之前我有問過欣宜嚟唔嚟，佢話要考試，所以我諗佢應該唔會返香港，除非佢想畀個意外驚喜我啦！」
而鄧萃雯因極少機會在紅館獻唱，所以心情特別緊張，她說：「要喺紅館載歌載舞，對我嚟講當然係好緊要嘅事，我啲朋友都問我需唔需要搭飛機返嚟睇我演出，睇嚟我都要自掏腰包請親友睇騷。」
此外，秋官昨日接受商台電話訪問，他透露眾嘉賓將以不同造型亮相，更會大派禮物，秋官說：「到時會有少少bonus，呢樣嘢係好實際嘅，到時重會有啲遊戲與眾同樂，你『叮』人、人又『叮』吓我咁，大家互動吓。」
採訪、攝影：楊潔雯
