大市悶到暈，日日成交係咁縮，真係坐喺股票機前多一陣都瞓得着。
經紀黃話，大市奄悶，惟有勤力啲做功課，發掘一些中長線好股，準備長期抗戰，現時大市咁靜，就算炒家想開車都未必有人跟，二三線股暫時博唔過。
轉咗新加坡政府做新老闆的利豐雅高（623），噚日公布截至今年3月31日止首季業績，溢利有917.6萬元，比去年同期增長27.94%。
經紀黃話，利豐雅高由以往家族生意變成企業化，公司生意愈做愈好，業績又見得人，應該對佢作重新評價。
公司除做開嘅書籍雜誌印刷外，早排購入一檔大陸包裝印刷公司的權益，以壯大公司生意規模及改善盈利能力。
經紀黃話，其實一直有證券行留意利豐雅高，希望佢哋心血唔會白費，隻股有日可修成正果。
利豐雅高昨升5.84％，收1.63元，成交股數147萬股，金額236萬元。
慕容小初