【本報訊】深水埗一間廢紙回收店停泊門外貨車上廢紙，近三個月來多次被人偷竊，東主昨凌晨親自埋伏守候「偷紙賊」，拘捕一名疑涉案老翁。東主人贓並獲後無奈表示：「你偷一次半次冇所謂，但我一車紙值千幾蚊，我都要錢收番嚟，長期係咁偷我好唔掂，係阿伯都唔拉唔得啦！」
多番失竊之廢紙回收店位於順寧道三十六號地下，據悉，三個月前開始，該店貨車上廢紙多次於凌晨時分被人偷走，每次損失數量不同，價值由數十元至數百元不等。兩星期前，東主忍無可忍，曾吩咐工人在貨車附近監視，但懷疑員工累極入睡令「偷紙賊」再有機可乘。
昨凌晨時分，東主決定親自埋伏在店內，暗中監視停泊在十多米外堆滿廢紙的貨車。至凌晨二時許，他發現一名老翁推着手推車至貨車旁邊，將貨車上廢紙搬落手推車上，立即報警及現身將姓陳（六十八歲）老翁制服，交到場警員拘捕帶走。
東主事後透露：「有一次我半架車啲廢紙唔見咗，值成七百幾蚊，我懷疑係佢一晚分幾次嚟偷，又或者係其他人偷唔定。至於佢有冇將偷我嘅廢紙賣番畀我，我都冇辦法肯定，希望拉咗佢之後，冇人敢再嚟偷紙啦！」