近排大新聞特別多，正所謂Nonewsisgoodnews，講親都多數唔係好嘢，趙飛雲自問EQ唔低，但睇得多亦覺心煩，不過股市反應就異常冷靜，可以話牛皮到反常，唔知係咪大風暴前夕？
港美股市好似在鬥牛皮，周一港股單日波幅只有62點，但當晚美股杜指波幅更低至44點，杜指最後收10448，跌12點。杜指周一晚跌回10日線（現處10468）之下收市，雖然話牛皮市中平均線可信性大減，但杜指再挨近大雙頂頸線10360水平，就必須提高警覺。
港股昨日波幅進一步收窄至只有56點，而大部份時間在30點之內上落，恒指最後微跌1點，收13658，成交降至107億元。
恒指過去3個交易日均受制於20日線（現處13671），但就在13600水平之上企穩，予人雖然未能突破，卻有跌唔落的感覺。大市可上可落，未有明確方向，無論是投資者或投機者都按兵不動，這亦是近日成交明顯縮減的主因。由期指市場看，4月未平倉合約仍是8.8萬張水平，較早前10多萬張的倉量，縮減不少。大戶未收夠倉前，大市或繼續橫行，期指倉量對大市走勢有一定參考。
前日分析過3大藍籌滙控（005）、和黃（013）及中移動（941）的近期走勢，滙控能否升破125元，和黃能否升破69元，及中移動能否升破26.70元均為短期大市能否進一步反彈的關鍵。
整體而言，港股暫視作上落市，頂部在14300水平，底部在13320，未出現向上或向下突破前，可在這範圍內低買高沽。若大市向上，估計和黃及滙控將是火車頭；若大市向下，地產股會成主要沽售對象。
趙飛雲