張栢芝和古天樂昨日到廣州，為他們代言的內地服裝以純旗艦店開幕禮擔任嘉賓，二人與名模Rosemary和LisaS.等行catwalk，吸引逾千人圍觀。大會出動約三十名公安及保安維持秩序，由於市民太過熱情，故公安下令店舖拉下半邊鐵閘，否則腰斬活動。
今次大會以七位數字邀請古仔和栢芝擔任代言人，但二人行騷時卻「吔吔烏」，他們拖手壓軸出場，步伐卻不合拍，穿上小背心及短裙的栢芝更邊行邊笑，事後她說：「我哋冇綵排，行到亂晒龍，走錯位。」
栢芝表示稍後將首次出席康城影展，其間會趁機在當地拍照，作為推出寫真集之用。問栢芝會否考慮拍裸照？她說：「自己都想呀，但未百分百相信香港嘅沖曬店，會考慮去外國沖曬店曬。我𠵱家二十五歲，喺二十六歲前重可以考慮，影畀啲仔女睇，但會遮住啲重要部位。」
而對於近日內地爆發反日潮，古仔則籲大家應冷靜處理。
記者曾小嘉廣州直擊
