最近又有傳聞話，等煲呔坐正後，梁愛詩就唔會好似幫老董咁，再幫煲呔捱義氣做埋兩年。工聯會大狀鄺志堅話，時不時都有咁嘅講法，兩年前老董連任時已經傳過，加上詩姐身體唔好，所以傳聞屬實都唔出奇，始終律政司司長一定要同特首好夾先得。
另有大狀私下話，如果煲呔唔挽留詩姐，怕且都唔會由廖長城繼任，因為廖大狀睇個樣都唔夾煲呔，反而馮華健有機會，因為馮大狀同煲呔都好似，都係由港英紅人變咗親中新貴，馮大狀回歸前算親民主派，都係回歸之後先至親特區政府，煲呔都係鍾意用啲愛國陣營以外出身嘅人。
呢位大狀重分析，早排佢都聽過有人講，馮華健肯放棄執業做全職證監會主席，如果有個律政司司長位，馮華健肯定更加制啦！
傳真︰2623-9278
電郵︰[email protected]