由房祖名、薛凱琪、曾志偉、余安安及毛舜筠主演的《早熟》，將於本月二十八日上映，戲中祖名與薛凱琪扮演情侶，其中一場戲薛凱琪要扮大肚婆與祖名跑山，兩人在山上海誓山盟。薛凱琪笑說：「拍嗰日天氣幾凍，我啲戲服好薄，好彩要扮大肚，可以將啲暖包放喺大肚兜入面取暖。」
問薛凱琪與祖名可會有發展機會，她說：「同佢識咗都係幾個月，對佢嘅為人都未了解清楚，點會諗呢啲嘢。我唔信有一見鍾情，對一個人唔了解，又點可以投入感情拍拖呢？」
薛凱琪又自認是早熟少女，念小學時便懂得擔心讀中學的事情，她表示：「其實喺好多方面，我諗嘢都係幾成熟，好似讀書時都試過有感情挫折，我都要一段時間去平復心情，𠵱家我就冇拍拖，只係想專心工作。」
