對於貧病交煎的阿梅來說，獲配公屋，既是喜訊，又是一項沉重負擔。「搬屋唔多唔少都要使錢，況且舊屋好多嘢都係屬於業主，我冇乜家具、電器可以帶走，乜都要重新買過，好重皮。」阿梅苦惱說。
三十九歲的阿梅，其夫早年肺癌病逝，她自此獨力撫養一名現年十二歲的女兒。阿梅母女生活雖然清貧，但看見女兒生性懂事，勤奮向學，教她感到十分安慰。
阿梅去年證實患上乳癌，令這位單親媽媽再度墮進黑暗深淵。「囡囡已經冇咗爸爸，唔可以再冇埋媽媽，我真係好擔心佢。」自患病後，阿梅辭去家務助理的工作，現與女兒靠綜援金生活。
阿梅去年接受了一次手術，並剛完成十二次化療，暫時情況穩定。阿梅母女原本租住狹小套房，醫務社工早前替她向房屋署申請公屋。她表示︰「新屋有幾個窗畀我呼吸吓空氣，對我個病都好啲。」
阿梅向朋友左借右貸，才於日前入伙，但目前仍有一筆雜費按金未付。「我朋友經濟環境都唔係咁好，好難借錢畀我，𠵱家煤氣、水、電按金我都未交，好惆悵。」
蘋果日報慈善基金了解過阿梅的需要後，撥款五千元助她應付搬遷所需的額外開支。 捐款編號︰C1672
暖流熱線
電話：29908688
傳真：23702192
電郵：[email protected]
網址： http://www.charity.atnext.com