如果唔係忠實fans，相信都未必知今年NCAA大學籃球賽的冠軍誰屬。梗係啦，收費台要加錢先睇得，蘋果體育版都只係用小小篇幅介紹；最詳細都算係無記新聞嘅一分鐘介紹。有見及此，今次就等我喺度講吓○五年嘅NCAA冠軍─球星搖籃北卡大學！
北卡大學（下稱UNC）多年來出產過無數超級球星：籃球之神米高佐敦、前湖人禾菲、小馬史達侯斯、活塞華萊士，飛人卡達、巫師占美臣；甚至布朗教練，全部都係「粉藍色大腳板」（UNC標誌）一分子，當然唔少得北卡最傳奇教頭甸史密夫。
今年的UNC擁有最強的武器，快攻三子：麥肯、美爾同費頓打法成熟，加上有深度的替補球員，令對手無法抵擋；但令UNC重奪失落十一年之久的總冠軍，卻是「未嘗冠軍的最佳教練」──R威廉斯。
R威廉斯在UNC當了甸史密夫的助教十年，之後到了肯薩斯大學任教，更連續兩年打入FinalFour，上季回巢執教北卡，終於在今季開花結果！
贊助方面，UNC在九七年與nike簽下七年七百一十萬美金合約（約五千五百萬港元），之後nike把合約過檔給JordanBrand（非常理所當然）。由於NCAA球員不可簽個人合約，所以球員只可以穿JordanBrand或nike作賽，而沒有個人型號。佐敦牌做了多款白和北卡藍為主色的特別版供他們穿着，特別之處是繡有UNC校徽；比NBA球員版更難搵，身為北卡fans的我當然有幾對啦！
有時睇得多NBA，睇下NCAA清吓腸胃也相當不錯！
文：H
