「每樣工作都苦唔過拍劇」
薛凱琪呻慘況被吳卓羲寸

無綫兩套劇集《學警雄心》和《同撈同煲》今晚首播，兩劇演員昨日齊齊出擊宣傳。其中薛凱琪大吐苦水指拍劇辛苦，吳卓羲聞言即寸她說：「你身嬌肉貴嘛。」

一班無綫劇集《學警雄心》和《同撈同煲》的演員包括胡杏兒、郭晉安、黃泆潼、吳卓羲、苗僑偉、楊怡和薛凱琪等昨日在尖沙嘴美麗華酒店宣傳。兩劇同時於今晚首播，故眾演員昨率先欣賞劇集的精采片段。

「人哋有咁嘅命水」
薛凱琪拍攝《學》劇時是非多籮籮，先後跟陳鍵鋒和吳卓羲傳不和，更被指犯眾憎。薛凱琪昨經常站在監製旁邊，卻甚少跟同劇演員溝通，但薛凱琪堅持沒跟其他演員不和，她在台上說：「我每樣工作都辛苦唔過拍劇，就算我拍廣告浸喺水裏面十幾個鐘，一諗起拍《學警》時就唔覺得辛苦。」吳卓羲聞言即寸她說：「你身嬌肉貴嘛。」
事後吳卓羲說：「唔係寸佢，係讚佢，身嬌肉貴係件好事，人哋有咁嘅命水。」薛凱琪雖不覺被寸，但亦反擊說：「佢（吳卓羲）好鍾意寸人，鍾意講笑同玩，我唔會因為幾句話而唔開心。有啲人可能表面對你好有禮貌，但背後話你，佢喺咁多人面前講擺明係玩，唔會係傷害性。」

胡杏兒露肩搶鏡
而《同》劇女主角胡杏兒、黃泆潼和江芷妮均以性感打扮搶鏡，身穿露肩裝的胡杏兒說：「今日尊重場合先着靚啲，而且咁多靚女，但我都好羨慕黃泆潼身材咁正，我自己就冇嘢睇。」穿吊帶衫上陣的黃泆潼則否認搶鏡，她說：「杏兒都着lowcut啦，我重多兩條帶㖭。」
採訪：卓寶花　攝影：黃文成