上市地產代理美聯物業，舊年舉行首次美聯盃後食過翻尋味，噚日喺沙田馬場搞第二次美聯盃。聽聞，舊年美聯搞完呢場賽事，同唔少富豪炒家做咗好多買賣，兩日內成交金額億億聲，主席黃建業自然笑逐顏開。
既然呢類活動又可聯誼，又可推動生意，今年美聯就更加落力搞，廣邀貴賓出席支持，本港主要發展商都有派員出席，都算畀面。唔少炒樓高手都有出席，如「小巴大王」馬亞木、「街市大王」鄧清河、黎永滔、黎汝遠等，其餘重有分析員、律師等，不同界別人士聚首一堂，交換心得當然唔少得，講買樓又有，講馬經又有，場面盛大。
傳真︰2623-9278
電郵︰[email protected]