新車速報︰起亞5座SUV高轉寧靜同級最平

韓國車已今非昔比，無論車身設計、性能、配套及設備都足以與一眾日本車匹敵，就如全新起亞Sportage，外形保持一貫剛陽味的時代氣息，車內設備更體貼實用，最吸引嘅當然係唔使13萬價錢，就可以揸走一部豪華SUV，肯定係當今同級中最平。平嘢無好嘅定律？Out晒啦！

記者：戴維浩
攝影：楊錦文　模特兒：Yuki

造型魁梧富肌肉感

Sportage給人第一個印象就是一部大車，高車身，車頭一體化泵把連車底防刮花塑膠，外拋沙板加16吋輪圈，造型陽剛氣息具肌肉感，一心以為Sportage係一部四驅，上車先知原來只係前輪驅動，不過作為代步、行走市區的SUV，已相當足夠。其實同款亦有四驅版本，不過本地代理暫未輸入。

凹凸面罩高頭大馬

■Sportage高頭大馬，但出入車廂以至提存尾廂行李一樣方便。

■車頭、車尾同樣有防刮花設計，駛過砂礫路段無有怕。

一體式車頭
■車首一體化泵把，面罩加了兩排凹凸紋，形象略帶粗獷。

高轉時行車穩定

新車與Hyundai的Tucson有「血緣關係」，兩車有共同底盤及引擎，不過Tucson主攻中、高檔市場，Sportage則針對普羅用家。引擎為1,975cc直列4氣缸，最大馬力142匹，峯值扭力18.8kgm，配備5前速手動波箱；亦有4前速+/-自動波版本，配備2,656ccV6引擎，最大馬力175ps，峯值扭力達24.6kgm，賣$139,995。今次試車為手波版，售價略低，有多一份操控感，市區高轉行走仍穩定寧靜，絕不遜於同級對手。

■手動5前速波箱轉檔順暢，操控收放自如，同款備有4前速自動波。

■1,975cc直列4氣缸引擎，高轉時在市區行走仍感覺穩定寧靜。

■行針式表板清晰，更可調校面板光暗。

5座家庭車變貨車

年初同廠推出的Sorento因為法例限制，只得前排一雙座椅組合，搭載乘客量減半，以載物多為主打，較適合商務用途。今次推出的Sportage確是針對一家幾口的買家，五座位設計變化靈活，一拉式簡易摺合可增加車內載物量，且椅背設有防刮花塑膠，搬運重物亦不怕損壞座椅。
車內各處由前艙、後座、至尾廂皆有大大小小掛物鈎，shopping後、買完餸，一抽幾袋都可以放在雜物鈎上，夠方便。值得一提的是，座艙做工精密，不禁讚歎韓國汽車做工水平於近年一直飆升，例如合金裝飾一體化磨砂中控台，全車真皮配纖維座椅等，都畀到你眼前一亮的感覺。

磨砂襯合金裝飾座艙

半桶前座
■前座半桶形設計，真皮配纖維，質感舒適。

■後座闊落，更具有3點式安全帶，安全設施做到足。

■座艙以磨砂面襯合金裝飾，設計具時代感。

5大體貼位

■尾門有尾玻璃窗及尾艙門開關掣。

■左邊按掣開啟尾門。

■只開尾門玻璃窗，方便提存小型行李。

一拉式摺座
■一拉式手把簡易摺起後座，尾廂容量增加，載物形式靈活變化。

■掀起尾艙地台可見工具隔，多重間隔方便收納修理工具。

■名廠CD音響備有遙控，置身後座調校音響亦不成問題。

■座艙置有不少掛鈎，方便放置購物袋。

Sportage首度公展

上星期五Sportage在告士打道陳列室作首次公開展示，代理為新車作了一簡單而隆重的首展儀式。徐徐煙幕下，由起亞總經理高慧剛（右一）及起亞中國區代表揭開了車子神秘面紗。

KiaSportageSpecifications

引擎：1,975cc直列４氣缸DOHC
馬力：142hp/6,000rpm
扭力：18.8kgm/4,500rpm
傳動：5前速手波
懸掛：（前）麥花臣柱（後）雙連桿
制動：（前）通風碟（後）實心碟
輪胎：215/65R16、235/60R16
尺碼：4,350×1,800×1,730mm
軸距：2,630mm
車輛提供：起亞汽車（27609933）

同級SUV推介

本田CRV

配備1,998cc直4氣缸引擎，4輪驅動，最大馬力158ps，動力足且操控容易。車內裝飾高雅，中置自動波及新設計手製慳位就手。
$299,880

萬事得Premacy

1,991cc引擎最大馬力135ps，行車寧靜舒適，善用空間，多乘客運載是其賣點，載物空間有一定限制，惟座位靈活運用補其不足。
$149,000

豐田RAV4

VVT-I引擎最大馬力150ps，1,998cc，配有剛度十足車架，市區行走平穩亦操控容易。車廂實用，座位靈活摺合可增加載物量。
$291,930