昨日不少韓尚宮fans紛紛湧到奧海城一睹偶像的廬山真面貌，其中一家三口到場的馮太太，更讓其七歲女兒穿上小長今服飾拜會韓尚宮，成為全場最矚目的小fans。馮小朋友自言十分喜歡身上的小長今服飾，她說：「我睇咗《大長今》之後，好鍾意韓尚宮，我都好鍾意長今，好想長今嚟。我晚晚都睇完《大長今》先至瞓，韓尚宮死嗰陣我都有喊。」
而另一位名叫Jacqueline的女fans，更是專程由美國來港與韓尚宮見面，她說：「我知道韓尚宮嚟香港，咁啱我又有假期，所以揀咗嚟香港。其實小長今我都好鍾意，但我星期一就要搭夜機返美國，星期一閔大人嚟香港時，我都會去機場等佢，見佢一面。我喺美國嗰邊睇《大長今》影碟睇咗三次，韓尚宮死嗰陣我都喊咗三次。」而不少市民昨日更頻頻向記者打探韓尚宮留港期間的行程，可見韓尚宮魅力十足。