向海嵐和鄧麗欣（Stephy）前日分別接受新城電台的訪問，對於有傳欣宜參加港姐，向海嵐回應說：「欣宜有一定知名度，唔需要靠參加港姐入娛樂圈，如果佢真係參選都係好事，佢好有表演慾，可以俾佢發揮到，更加可以證明佢嘅實力，不過肥姐一定會肉痛，因為訓練好辛苦，我當時都喊過，有諗過放棄。」
而《生活好國度之頭條娛樂》節目則做了「娛樂圈邊個最應該參選港姐」的調查，Stephy排第一位、第二位是鍾欣桐、第三位是梁詠琪，Stephy表示自己沒有想過參選港姐，她說：「我接受唔到自己着住泳衣企喺台度，不過選港姐可以免費減肥，我都想減肥，最唔滿意自己個patpat太肥，如果有纖體公司搵我，我都會考慮。」