近排中日關係緊張，內地又有大規模反日示威，但係工商及科技局局長曾俊華（圖）就冇有怕，噚日啟程去東京，出席世貿非正式部長會議。今次係討論非農業產品市場嘅問題，鬍鬚曾會主持其中一個環節。唔知係唔係因為公務繁忙，抑或擔心呢個時候不宜久留日本，佢今日上晝開完會，挨晚就會返港，即係只留一晚咁多。
為咗今年底喺香港舉行嘅世貿部長級會議，睇嚟鬍鬚曾都要着手籌備，但係七月有新特首上任，政界估佢係新任政務司司長人選之一，唔知到年尾佢有冇得步步高陞，用一個新職銜主持世貿大會呢？
傳真︰2623-9278
電郵︰[email protected]