特首選舉未開始，已經咁快明爭暗鬥？教育統籌局局長李國章，前日同衞生福利及食物局局長周一嶽出席同一場合，但都避開記者，冇回應點睇蔡素玉話佢哋係特首黑馬。李局長噚日喺城大出席大專青年高峯會後，終於畀記者捉住問佢點睇，佢竟然笑住講：「蔡素玉都有話周一嶽喎，你哋（前日）只係叫周局長，冇叫我，走喇我！」然後就真係笑住咁走咗去。
雖然係講笑，但八方心諗，咁又係，你叫佢回應唔叫我，係咪睇死我唔得先！不過咁，李局長，八方同啲行家前日其實都有叫你㗎，係你走咗去咋。
城大學生會前會長陳家宏喺高峯會同局長對話時，都贈吓興，佢話如果李國章肯喺大專教育通識課程加埋愛國教育，「到你選特首，一定會加分！」李局長只係輕輕帶過，話課程係由大學自己決定咁話。
傳真︰2623-9278
電郵︰[email protected]