紅館大爆花仔秘密
森美彈基仔女友個個都唔靚

森美和小儀前晚在古巨基演唱會上大講有味笑話，森美爆基仔是「花仔」（即處男），並講笑叫他改名「古巨花」，又揶揄曾和基仔傳緋聞的鄧麗欣（Stephy）、保母Lorraine以及助手Carolyn均貌不驚人。

古巨基前晚在紅館繼續舉行演唱會，請來森美、小儀做嘉賓，Cookies成員Kary亦有上台演出，鄭伊健和周麗淇則在台下欣賞。

做人認真又肉緊
森美和小儀甫上台即大講有味笑話搞氣氛，二人自稱和基仔很熟絡，對於基仔先後和Stephy、保母Lorraine及助手Carolyn傳緋聞，小儀說：「我知佢份人做嘢好認真同肉緊，入行多年最近先傳緋聞，同呢個同嗰個。」基仔搶着說：「唔好聽埋晒啲科幻小說橋段啦！」森美即搭口說：「重要個個都係唔靚嘅！」基仔說：「係森美講㗎咋，唔關我事㗎！」
森美還大爆基仔是處男，他說：「我重知一樣嘢，佢係樂壇開演唱會嘅唯一一個花仔，花仔即係未『吾吾』嗰啲，不如你唔好叫古巨基，叫『古巨花』啦！傳聞中花仔心口會有兩粒粉紅色痣㗎！」基仔即說：「你心口就有兩粒黑色痣！」森美說：「乜你咁純情㗎，嗰啲唔係痣，係阿媽用嚟餵奶㗎！我見你咁大個人未試過『吾吾』，等我介紹個女仔你識，雖然佢三十幾歲，但都幾嬌俏㗎！」

小儀嫌棄沒經驗
森美將小儀推向基仔，小儀卻嫌棄說：「畀我都唔要，三十幾歲人一啲經驗都冇！」森美最終打圓場說：「咁佢三十幾歲人，第一次開演唱會都幾成功嘅！」最後三人合唱《三人行》一歌。基仔尾聲時獻唱《愛與誠》，台下歌迷一起和唱，令基仔感動得淚流披面。