容祖兒、梁洛施及關智斌等歌手，昨日在觀塘為職業安全局拍攝海報，問容祖兒曾否在工作上遇過危險事情，她說：「我○三年為演唱會綵排時，坐住匹飛馬，但突然停咗，我吊喺半空成半個鐘頭，好彩係綵排，如果𠵱家事情再發生，我諗我會繼續唱，同埋萬人大合唱，之後會大叫救命。另外，我都試過拍電視劇《美麗在望》時喺六十幾樓吊威吔，好彩我冇畏高，但都覺得牙煙。」
此外，前日剛從瑞士回港的梁洛施不小心染上感冒，昨日她帶病現身，問此行可有買手信給緋聞男友古宇，她說：「我有買朱古力畀佢，但嗰邊啲朱古力價錢好貴，成二百幾蚊港幣一盒得九粒，我用咗成千幾蚊買朱古力呀！」