曾蔭權近幾次到立法會同議員交手，都強調自己唔係以署理特首身份，而係以政務司司長身份答問題，有次煲呔甚至一起身就話：「署理特首唔喺度」，以此強調自己嘅政務司司長身份。
民主黨李柱銘噚日喺立法會內會問咗個出人意表嘅問題，佢話當曾蔭權身在立法會，又強調署理特首唔在場之際，「咁即係個行政長官去咗邊？」內會主席劉健儀話問題幾有趣，佢都唔識答，要搵立法會法律顧問解答。法律顧問一時之間亦解唔清楚，來來去去只係話要睇到時嘅具體情況。曾蔭權𠵱家一個人戴兩頂帽，相信佢都好想快啲到七月十日，名正言順坐上特首寶座。
傳真︰2623-9278
電郵︰[email protected]