東亞銀行作為每年首家舉行股東大會嘅藍籌公司，出席嘅小股東通常都好洶湧。今年出席嘅股東人數，又超出行方預計成百人，結果原先預備咗嘅餐盒唔夠派，雖然酒店已即時加碼，另行製作咗一啲精美高級三文治餐盒頂替，但現場不少伯伯嬸嬸，堅持唔收貨。
其中一名小股東相當激憤，話自己喺天水圍搭車出嚟，連飯盒都冇，來回車錢四十幾蚊都蝕埋，堅持唔肯妥協，拒收三文治！及後八方入到洗手間，重聽見唔少小股東連番粗言惡罵，又話以後唔再嚟，又話要沽股票，總之一個飯盒引發嘅迴響之大，相信李國寶都估唔到。
傳真︰2623-9278
電郵︰[email protected]