王賢誌將於本月底舉行「名人二手衫慈善熱賣Take3」，為東華三院籌款，豐胸美人林志玲捐出低胸靚裙，義賣價只需六百九十元，而收身成功的鄭欣宜亦首次參與義賣行動，與母親沈殿霞一起捐出靚衫。
王賢誌本月底將舉行二手衫義賣活動，為東華三院籌款。林志玲捐出拍攝豐胸纖體廣告時穿過的透視迷你裙和超低胸裙，義賣價分別為四百九十元和六百九十元，估計會成為fans爭奪目標。
欣宜則捐出收身後穿過的十多件T恤和晚裝，而早前在日本拍廣告時購買、約值數千港元的和服亦一同割愛捐出。身在溫哥華的欣宜昨日在電話中說：「減肥之後，好多衫都唔啱着，我將呢啲衫捐畀救世軍，但王賢誌呢類義賣我就從來未試過。今次搵衫我都搵咗好耐，有時一啲對自己冇乜用嘅嘢，對人哋嚟講可能好寶貴。」
楊采妮（Charlie）則捐出一套RalphLauren性感運動裝，鄧萃雯捐出名時裝設計師DorianHo設計的二萬多元性感晚裝，義賣價二千六百九十元。
活動主辦人王賢誌說：「對上兩次一共籌得超過五十萬善款畀東華，我呼籲藝人可以踴躍捐衫做善事。原本呢個活動下月中先至舉行，但因為我接咗無綫部重頭劇《火舞黃沙》（前名《黃土大地》），飾演林保怡細佬，同黎姿有感情戲，戲份都幾重，我希望可以專心拍好部劇，惟有將義賣日期提前到今個月三十號至下個月三號，喺美麗華酒店舉行。」
採訪：戴彩煥
攝影：仇志德
