陳浩民和楊怡昨日在將軍澳電視廣播城古裝街拍攝劇集《施公奇案》，劇中陳浩民跟楊怡相戀，可惜陳浩民身份低微，楊怡貴為大戶人家小姐，被父親命令下嫁門當戶對的富家子弟，最後陳浩民不惜一切搶婚。陳浩民表示不會選擇有錢女做女朋友，他說：「一齊最好係門當戶對，大家身份、地位、背景差不多就最好，自己知自己事，費事同個有錢女一齊，結婚就俾人話我入贅。」
陳浩民的理想伴侶，原來性格要似吳君如，他說：「靚就一定要啦！邊個唔鍾意靚女，我口味都係好大眾化，性格就要似吳君如，有幽默感，個樣似佘詩曼都好。」
莫非佘詩曼是陳浩民的理想對象，他隨即否認說：「就係佢（佘詩曼）冇吳君如嘅性格，只係可以同我做生死之交，做唔到情侶。性格又冇得改，所謂江山易改品性難移，若要人似我除非兩個我，冇得改嘅！」
採訪、攝影：楊潔雯