英文《南華早報》最近好事多籮籮，舊年轉虧為盈賺逾三億，前日又喺報業公會勇奪十三個獎項，八方見到佢位靚女副老總FannyFung馮惠儀，大讚佢好腳頭，點知話口未完，《南早》主席郭孔演噚日就宣布，有「大手臂」之稱嘅集團總編輯DavidArmstrong由下個星期起會轉移陣地，主攻泰國，並保留集團總編輯職銜；而Fanny就擢升做老總，負責香港《南早》編採部嘅日常運作，即日生效。
Fanny加入SCMP剛好一年，成績有目共睹，好似舊年南亞海嘯，個頭版嘅mood八方重記得，所以話Standard走寶。
Fanny創咗好多項《南早》嘅紀錄，包括第一個女老總，第一個中國人女老總，而且重係最年輕一位。八方恭喜佢時，佢話好多嘢未定重要開會傾，至於係咪最後生嘅《南早》老總？佢話自己都唔肯定。
傳真︰2623-9278
電郵︰[email protected]