徐子淇、鄧穎芝、黃伊汶及Shine等昨日在銅鑼灣出席「Champion×尹泰蔚FashionKingdom大熱爆活動」。對於有雜誌拍下徐子淇與男友李家誠家人晚膳，從而迫婚，她昨日否認說：「迫乜婚啫，迫鬼咩？根本只係我同爹哋、媽咪同埋一個uncle食飯，都冇男友份。」那麼她是否見過對方家長？徐子淇說：「佢爹哋個人好好，好有才華，我好尊重佢。」問她可有獲對方讚美，子淇大發嬌嗔說：「唔講喇，點知啫。」至於有沒有共識何時結婚，她說：「我未畢業，都係讀書第一，唔使刻意定一個時間。」
此外，徐子淇前晚偕母親及胞妹子欣往銅鑼灣，欣賞美國時裝品牌Maxstudio.com的時裝騷，三母女共敍天倫。
採訪：馮美茵
攝影：林德雄
